Песьня - натхненьня вынік, соль у салонцы. Гэта пробліскі дня, думак джаз. Можна спыніць гадзіньнік, але ня сонца. Можна спыніць каня, а ня час. Час той бяжыць няспынна. Сонца на старце. Сёньня яно ўзыйшло і зайшло. Вечная дзён машына. Кожнаму карціць Лёгка ісьці ў сьвятло і цяпло. Можна забрацца на месяц, Марс і Вэнэру. Атам разьбіць, паліць, разбураць. Можна жыцьцё перакрэсьліць, зьмяць як паперу... Слова ў сусьвет грыміць: Жыць! Ствараць!
|
|